बेलघारी। तीनपाटन गाउँपालिका – १ बेलघारीलाई बालमैत्री स्थानीय शासन वडा घोषणा गरिएको छ।

बेलघारीस्थित चन्द्रावती माविको प्राङ्गणमा आयोजित समारोहमा जिल्ला समन्वय समिति सिन्धुलीका प्रमुख कार्साङ लामाले तीनपाटन गाउँपालिका वडा -१ अध्यक्ष गोविन्द राउतलाई बालमैत्री वडा घोषणा प्रमाणपत्र हस्तान्तरण गर्दै बालमैत्री वडा घोषणा गरेका हुन्।

बालमैत्री स्थानीय शासन घोषणा कार्यविधि २०७९ बमोजिम तीनपाटन गाउँपालिका– १ (पूर्वमा लङ्गुर खोला, पश्चिममा हात्तीसार, उत्तरमा चदाहा खोला र दक्षिणमा छरछरे, तिरतिरे क्षेत्र)लाई बालमैत्री वडा घोषणा गरिएको हो।

बेलघारीलाई प्लान इन्टरनेशनल नेपाल र जनजाति समाज विकास कार्यक्रम ( जेएसडिपी) को सहयोगमा बालमैत्री वडा घोषणा गरिएको हो।

बेलघारी बालमैत्री स्थानीय शासन वडा घोषणा सिन्धुली जिल्लामा पाँचौँ र तीनपाटन गाउँपालिकाको चौथो वडा बनेको छ।