धुलिखेल। काभ्रेपलान्चोकको नमाेबुद्ध नगरपालिका वडा ७,  भकुण्डेबेसीमा बोलेरो गाडीको ठक्करबाट एक वृद्धको मृत्यु भएको छ ।

बिपी राजमार्गको भकुण्डेबेसी बुद्ध चोकमा गए राति १० बजे भकुन्डेबाट कटुन्जे तर्फ जाँदै गरेको बा १ च २४९६ नम्बरको बोलेरो गाडीले ठक्कर दिँदा ८४ वर्षीय शेरब लामाको मृत्यु भएको हो।

बोलेरोको ठक्कर पछि लामा गम्भीर घाइते भएका लामालाई उपचारका लागि   धुलिखेल अस्पताल लगिएकोमा  राती ११ बजे नै उनलाई अस्पतालले मृत घोषणा गरेको जिल्ला प्रहरी कार्यालय काभ्रेपलान्चोकले जनाएको छ ।

प्रहरीले ठक्कर दिने बोलेरोका चालक र बोलेरोलाई नियन्त्रणमा अनुसन्धान गरिरहेको जनाएकाे छ ।