करिब डेढ दर्जनको सङ्ख्यामा वाणिज्य तथा विकास बैंकहरुको शाखा सदरमुकाम सिन्धुलीमाढीमा सञ्चालनमा रहेका छन् । यी बैंकका शाखाहरूमा मध्य धेरैको नेतृत्व सिन्धुलीयन युवाले गरिरहेका छन्।

सदरमुकाम सिन्धुलीमाढीमा  रहेका ७  वटा बैंकका शाखाहरूमा सिन्धुलीयन युवाले शाखा प्रमुखको रूपमा रहेका छन् । सिन्धुलीमाढी शाखा रहेका बैंकहरु मध्ये  सिद्धार्थ बैंक, कुमारी बैंक, प्राइम बैंक,  हिमालयन बैंक, मुक्तिनाथ विकास बैंक, प्रभु बैंक र राष्ट्रिय सहकारी बैंकमा सिन्धुलीयन शाखा प्रमुख रहेका छन् ।

यी बाहेक सिन्धुलीमा शाखा रहेका बैंकहरु ग्लोबल आईएमई बैंक, सिटिजन बैंक, लक्ष्मी सनराईज बैंक, कृषि विकास बैंक, राष्ट्रिय वाणिज्य बैंक, एसबिआई बैंक, एनआईसी एसिया बैंक र ज्योती विकास बैंक मात्र सिन्धुलीयन बाहेकका शाखा प्रमुखहरू रहेका छन् ।

सिन्धुलीमा रहेका ३१ वटा शाखा बैंकहरु मध्ये १२ वटामा सिन्धुलीयन युवाले जिम्मेवारी सम्हाल्दै आएका छन् । सिद्धार्थ बैंक दान बहादुर कार्की (कुमार), हिमालयन बैंक मनोज श्रेष्ठ, कुमारी बैंक सुबोध कोइराला, प्रभु बैंक राधिका श्रेष्ठ, प्राइम बैंक रामकुमार श्रेष्ठ र मुक्तिनाथ विकास बैक देवी पहाडी र राष्ट्रिय सहकारी बैंक मिनिता पौडेलले शाखा प्रमुखको जिम्मेवारी सम्हाल्दै  आएका छन्।

त्यसै गरी सदरमुकाम बाहिर रहेका कुमारी बैंक खुर्कोटमा सुवास थापा, इन्भेष्टमेन्ट मेगा बैंकमा शैलेन्द्र शर्मा , फिक्कल गाउँपालिका खाङ्साङ्गमा रहेको प्राईम बैंकमा जनकण्ठ श्रेष्ठ,  तीनपाटन गाउँपालिका चकमके रहेको ग्लोबल आईएमई बैंकमा विष्णु राउत, दुधौली सिद्धार्थ बैंक पशुपती विक्रम थापाले सम्हालेका छन्।