यो साता चर्चामा :
रास्वपा सिन्धुलीको सभापतिमा बस्नेत निर्वाचित
माईशिर १० मंसिर २०८१ २१:२७
मङ्सिर १०, सिन्धुली। राष्ट्रिय स्वतन्त्र पार्टी (रास्वपा) सिन्धुलीको भेलाबाट अविनाश बस्नेत सभापतिमा निर्वाचित भएका छन्।
आज सिन्धुलीमाढीमा भएको भेलाबाट बस्नेत जिल्ला सभापतिमा सर्वसम्मत निर्वाचित भएका हुन्। बस्नेत यसअघि रास्वपा सिन्धुली क्षेत्र नं २ को क्षेत्रीय सभापति थिए । भेलाले सभापति बस्नेतको नेतृत्वमा ११ सदस्य जिल्ला कार्यसमिति निर्वाचित गरेको छ।
रास्वपा सिन्धुलीको उपसभापतिमा मरीणका बिर्ख बहादुर बोम्जन, सचिवमा कमलामाईका लालप्रसाद देवकोटा, र सह सचिवमा दुधौलीकी बसन्ती बानियाँ निर्वाचित भएका छन् । कोषाध्यक्ष भने विधान बमोजिम मनोनीत गरिने रास्वपा बागमती प्रदेश कोषाध्यक्ष मेनुका ठकुरीले जानकारी दिइन्।
त्यसै गरी सदस्यहरूमा धनेन्द्र कार्की, उद्धव सिंह घिसिङ, नारायण प्रसाद पहाडी, तारा बहादुर श्रेष्ठ, दीपेश तामाङ, भक्त माया विश्वकर्मा र सरिता माया स्याङतान सर्वसम्मत निर्वाचित भएको निर्वाचन समितिले जनाएको छ।
निर्वाचन क्षेत्र नम्बर १ को संयोजकमा जीत बहादुर माझी र निर्वाचन क्षेत्र नम्बर २ को संयोजकमा देवी प्रसाद देवकोटालाई तोकेको छ।
यो नेपाली भाषाको अनलाइन समाचार संस्था हो । हामी तपाईहरुमा खासगरी सिन्धुली सहित देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । माईशिरमा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए maishirnepal@gmail.com मा पठाउनु होला। हामीलाई पछ्याउनुभएकोमा धन्यवाद।
