यो साता चर्चामा :
सिन्धुलीमा ¥याली र कोणसभा सहित लैङ्गिक हिंसा विरुद्धको १६ दिने अभियान सुरु
सिन्धुली । ‘हामी सबैको प्रतिबद्धताः लैङ्गिक हिंसा अन्त्यको लागी ऐक्यबद्धता’ भन्ने मुल नाराका साथ आज सोमबारबाट लैङ्गिक हिंसा विरुद्धको १६ दिने अभियान सुरु भएको छ ।
सिन्धुलीमा १६ दिने अभियानको पहिलो दिन कमलामाई नगरपालिकाले ¥याली तथा कोण सभाको आयोजना गरेको छ ।
आज सोमबार कमलामाई नगरपालिका अगाडी भेला भएर प्लेकार्ड, ब्यानर सहित सुरु भएको ¥याली बजार परिक्रमा पश्चात नगरपालिका अगाडीनै आएर कोणसभामा परिणत भएको थियो ।
¥याली पश्चात भएको कोण सभालाई सम्बोधन गर्दै कमलामाईं नगरपालिकाका मेयर उपेन्द्र कुमार पोखरेलले पढेलेखेको परिवारभित्रै हिंसा भईरहेकाले यसलाई रोक्न शिक्षासँगै चेतनाको समेत खाँचो रहेको बताए ।
लैङ्गिक हिंसाको अन्त्यको लागि घरघर र हरेक नागरिकसम्म सचेतना पु¥याउन आवश्यक रहेको उनको भनाई रहेको थियो । हिंसा मुक्त मुलुक बनाउँनु शिक्षक, विद्यार्थी , विभिन्न संघसंस्था र आम नागरिकको दायित्व भएको उनले धारणा राखे ।
कार्यक्रममा कमलामाई नगरपालिकाकी उपमेयर मन्जु देवकोटाले लैङ्गिक हिंसा विरुद्धको अभियान १६ दिन मात्र नभई ३ सय ६५ दिन नै सचेत ढंगले यो अभियान चलाउनु पर्ने बताइन् ।
कमलामाई नगरपालिकाले १६ दिने अभियान भर १४ वटै वडामा विभिन्न कार्यक्रमहरुको आयोजना गर्ने छ ।
¥यालीमा कमलामाई नगरपालिकाका विभिन्न सामुदायिक तथा संस्थागत विद्यालयका शिक्षक, विद्यार्थी, नगरपालिकाका कर्मचारी, विभिन्न सरकारी तथा गैर सरकारी संस्थाका प्रतिनिधि, प्रहरी, पत्रकारलगायतको उपस्थिति रहेको थियो ।
यो नेपाली भाषाको अनलाइन समाचार संस्था हो । हामी तपाईहरुमा खासगरी सिन्धुली सहित देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । माईशिरमा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए maishirnepal@gmail.com मा पठाउनु होला। हामीलाई पछ्याउनुभएकोमा धन्यवाद।
