सिन्धुली । बिपी राजमार्ग सञ्चालनमा ल्याउन जिल्लाको सुनकोशी गाउँपालिका -१ नेपालथोकबाट काम सुरु गरिएको छ ।

डिभिजन सडक कार्यालय खाल्टेले मंगलबार बिहान देखि नेपालथोकबाट सडक मर्मत सुरु गरेको हो ।

डोजर लगाएर अस्थायी सडकको व्यवस्था गर्न नेपालथोकबाट रोशी खोलालाई ड्राइभट गर्ने र घ्याम्पेखोला र देवीस्थानमा डाइभर्सन बनाउने काम भइरहेको  सडक डिभिजन कार्यालयका सूचना अधिकारी इन्जिनियर प्रदीप तामाङले जानकारी दिए ।

नेपालथोकदेखि माथि भकुण्डेबेँसी आसपास २.५ किलोमिटर सडकमा क्षति पुगेको  र सिन्धुलीतर्फ क्षति पुगेको  करिब दुई सय मिटर मर्मत गरेर राजमार्ग खुलाउने काम भइरहेको जिल्ला प्रहरी कार्यालय सिन्धुलीका एसपी गोविन्दराज काफ्लेले माईशिर डटकम सँग बताए ।