यो साता चर्चामा :
सिन्धुलीबाट अलपत्र १७ यात्रुको उद्धार
माईशिर १४ असोज २०८१ १५:१३
सांकेतिक तस्बिर
सिन्धुली । अविरल वर्षासँगै आएको बाढी र पहिरोले मध्यपहाडी लोकमार्ग अवरुद्ध बनेपछि अलपत्र परेका १७ यात्रुको हेलिकप्टरबाट उद्धार गरिएको छ ।
सोलुखुम्बु, ओखलढुङगा, खोटाङ र भोजपुरबाट काठमाडौ हिडेका बाटोमै अलपत्र परेका यात्रुहरूलाई सिन्धुलीको फिक्कल गाउपालिका- ४ खाङ्साङबाट नेपाली सेनाको हेलिकप्टरबाट उद्धार गरिइको सिन्धुली प्रहरी प्रमुख एसपी गोबिन्दराज काफ्लेले जानकारी दिए ।
शुक्रबारदेखि अलपत्र रहेका ८ बिरामी सहित अन्य बालबालिका ,बृदबृदा लगायत १७ जनालाई आज दिउसो १ बजे नेपाली सेनाको हेलिकप्टरबाट उद्धार गरि काठमाडौं पठाएको एसपी काफ्लेले बताए ।
यसैबीच बिपि राजमार्ग अन्तर्गत नेपालथोक-मंगलटारमा अलपत्र पेरेका ३५ यात्रुहरूलाई गोरेटो बनाएर नेपालथोक तर्फ ल्याइदै गरेको प्रहरीले जनाएको छ ।
विपदमा परेका नागरिकहरूको उद्धारको लागि डिएसी अनिल कुमार खड्काको नेतृत्वमा फिक्कल देखि दुम्जा सम्म १ सय १० जना प्रहरी परिचालन गरिएको छ ।
यो नेपाली भाषाको अनलाइन समाचार संस्था हो । हामी तपाईहरुमा खासगरी सिन्धुली सहित देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । माईशिरमा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए maishirnepal@gmail.com मा पठाउनु होला। हामीलाई पछ्याउनुभएकोमा धन्यवाद।
