सिन्धुली । सिन्धुलीमा तीन वटा घर पूर्ण रुपमा जलेर नष्ट हुँदा १९ लाख भन्दा बढीको क्षति भएको छ ।

गोलञ्जोर गाउँपालिका–६ गैरीगाँउ स्थित बनेली सामुदायिक वनमा लागेको डढेलो स्थानीय तीन जनाको घरमा सल्किँदा १९ लाख ५० हजार बराबरको क्षति भएको हो ।

स्थानीय तिलक लाल श्रेष्ठको खरले छाएको, ढुंगा, माटो र काठले बनेको २ तले २ वटा घर जली पूणरुपमा क्षति हुँदा ८ लाख ५० हजार रुपैयाँको क्षति भएको छ भने बेद कोइरालाको ढुंगा माटो र काठले बनेको जस्ताले छाएको घर पूर्ण रुपमा क्षति हुँदा ७ लाख बराबरको क्षति भएको छ ।

यस्तै, इन्द्र लाल श्रेष्ठको घरमा क्षतिमा हुँदा ४ लाख रुपैयाँ बराबरको भएको सिन्धुलीका प्रहरी प्रवक्ता, प्रहरी नायव उपरीक्षक अनिल कुमार खड्काले जानकारी दिए । उनका अनुसार स्थानीय, प्रहरी र दमकलका सहयोगमा आगो नियन्त्रणमा आएको र मानवीय तथा पशुचौपाय भने क्षति नभएको हो ।