यो साता चर्चामा :
मिलीजुली सहकारी संस्थाको १ करोड नाफा
सिन्धुली । मिलीजुली बचत तथा ऋण सहकारी संस्थाले करिब १ करोडको नाफामा गरेको छ ।
सिन्धुलीमाढीमा शुक्रवार सम्पन्न संस्थाको २२ औ वार्षिक साधारण सभामा प्रस्तुत वार्षिक प्रतिवेदनमा आर्थिक वर्ष २०८०/ ०८१ मा ९९ लाख ८१ हजार ६ सय २५ रुपैयाँ ८० पैसा नाफा भएको जनाएको छ ।
६ हजार २ सय ५९ जना शेयर सदस्यहरूबाट २ करोड १० लाख १४ हजार २ सय शेयर पुजी रहेको संस्थाको कुल कारोबार ३७ करोड ४० लाख ६७ हजार ६ सय ९३ पैसा रहेको थियो ।
त्यसैगरि कार्यक्रममा उत्कृष्ट मासिक बचत कर्ता, दैनिक बचत कर्ता, बाल बचत कर्ता, उत्कृष्ट कर्मचारी, ज्येष्ठ नागरिक, संस्थाको सदस्य वृद्धि गर्न योगदान गर्ने एक जना सदस्यलाई सम्मान गरिएको थियो ।
साथै, संस्थामा आबद्ध सदस्यहरूका छोराछोरी मध्ये उत्कृष्ट विद्यार्थीलाई छात्रवृद्धि स्वरूप शैक्षिक सामग्रीहरू प्रदान गरिएको थियो ।
सहकारी संस्थाद्वारा आयोजित अन्तर माध्यमिक स्तरीय “समुदायमा सहकारीको महत्त्व” विषयमा सञ्चालित निबन्ध प्रतियोगितामा प्रथम, द्धितिय र तृतीय हुने ३ जना विद्यार्थीलाई क्रमशः ३ हजार, २ हजार र १ हजार नगद सहित प्रमाण पत्र पनि प्रदान गरिएको थियो ।
कार्यक्रमलाई सम्बोधन गर्नुहुँदै संस्थाका अध्यक्ष ढकालले सबैका लागी एक र एकका लागी सबै भन्ने सहकारीको विश्वव्यापी मान्यतालाई आत्मसाथ गरी संस्थाले आफ्ना शेयर धनी सदस्यहरूलाई छिटो छरितो एवं स्तरीय सेवा सुविधा दिन हरदम प्रयासरत रहेको बताए ।
कार्यक्रममा संस्थाको प्रगति प्रतिवेदन संस्थाका अध्यक्ष ढकालले र आर्थिक प्रतिवेदन संस्थाका व्यवस्थापक नवीन कार्कीले प्रस्तुत गर्नुभएको थियो ।
संस्थाका अध्यक्ष उज्ज्वल ढकालको अध्यक्षता तथा नेपाल बचत तथा ऋण केन्द्रीय सहकारी सङ्घका अध्यक्ष ऋषिराज घिमिरेको प्रमुख आतिथ्यतामा कार्यक्रम सम्पन्न भएको थियो ।
यो नेपाली भाषाको अनलाइन समाचार संस्था हो । हामी तपाईहरुमा खासगरी सिन्धुली सहित देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । माईशिरमा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए maishirnepal@gmail.com मा पठाउनु होला। हामीलाई पछ्याउनुभएकोमा धन्यवाद।
प्रतिक्रिया
