यो साता चर्चामा :
माओवादीमा गएका बुढाथोकी एमालेमै फर्किए
माईशिर ७ असोज २०८१ १५:५६
सिन्धुली । नेकपा एमाले छाडेर नेकपा माओवादी केन्द्रमा प्रवेश गरेका कमलामाई नगरपालिका -९ भीमानका नेता नानु बुढाथोकी पुनः एमालेमै फर्किएका छन् ।
माओवादी केन्द्र कमलामाई नगर कमिटी उपाध्यक्ष समेत रहेका बुढाथोकी एमालेमै फर्किएका हुन् ।
०७९ सालको स्थानीय तहको चुनावमा नेकपा एमालेबाट कमलामाई नगरपालिका वडा नं- ९ को वडाअध्यक्ष आकांक्षी रहेका बुढाथोकीलाई टिकट नदिएपछि पार्टीले आफूलाई अन्याय गरेको भन्दै माओवादीमा प्रवेश गरेका थिए ।
साँढे दुई वर्षको समय माओवादीमा बिताएका बुढाथोकी आफ्नो लगानी र बलिदान एमालेमै रहेकाले आफू आफ्नै घरमा फर्किएको बताए ।
सोमवार नेकमा एमाले जिल्ला कमिटीले सिन्धुलीमाढीमा आयोजना गरेको अभिमुखीकरण कार्यक्रमा नेकपा एमालेका कार्यबाहक अध्यक्ष तथा पूर्व उपप्रधानमन्त्री ईश्वर पोख्रेल र जिल्ला इन्चार्ज मनोजजंग थापाल गायत नेताहरुले अविर लगाएर बुढाथोकीलाई एमालेमा स्वागत गरेका गरेको जिल्ला कमिटी उपाध्यक्ष एवंम् प्रचार विभाग प्रमुख कर्ण घिसिङले जानकारी दिए ।
केहि समय अघि नेकपा माओवादी केन्द्रका जिल्ला कमिटी सदस्य समेत रहेका सहिद दल बहादुर रजनका छोरा नरबहादुर रजन पनि एमालेमै प्रवेश गरेका थिए ।
यो नेपाली भाषाको अनलाइन समाचार संस्था हो । हामी तपाईहरुमा खासगरी सिन्धुली सहित देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । माईशिरमा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए maishirnepal@gmail.com मा पठाउनु होला। हामीलाई पछ्याउनुभएकोमा धन्यवाद।
