सरकारकाले तीन देशका महावाणिज्यदूत नियुक्त गरेको छ । बिहीबार बसेको मन्त्रिपरिषद् बैठकले कलकत्ता बेइजिङ, ग्वान्जाओ र ल्हासाका लागि महावाणिज्यदूत नियुक्त गरेको हो ।

ग्जान्जाओको महावाणिज्यदूतमा सहसचिव भरत खनाल नियुक्त भएका छन् भने सह सचिव लक्ष्मी निरौलालाई ल्हासा र सह सचिव झक्कप्रसाद आचार्य कलकत्ताको महावाणिज्यदूतमा पठाउने निर्णय भएको छ । बेइजिङको हकमा भने मन्त्रिपरिषद् आउन नपर्ने भएकोले परराष्ट्र मन्त्रालयबाट नै सिधै पोष्टिङ गर्नेछ ।

गत साउन ३१ गते सरकारले सिन्धुलीको प्रमुख जिल्ला अधिकारी भरत खनाल सहित सह सचिवहरू झक्क प्रसाद आचार्य, लक्ष्मी प्रसाद निरौला र विन्देश्वर प्रसाद लेखकलाई परराष्ट्र मन्त्रालय पठाउने निर्णय गरेको थियो । जसमध्ये तीन जनालाई बिहीबार  पोष्टिङ गर्ने निर्णय गरेको हो । यससँगै लेखकको हकमा तत्काललाई बेइजिङ मात्रै बाँकी रहेकोले परराष्ट्रबाट नै त्यहाँ पठाउन सक्ने बुझिएको छ ।