सिन्धुली। सिन्धुलीका प्रमुख जिल्ला अधिकारी भरत खनालको सरुवा भएको छ।

बिहीबार बसेको मन्त्रिपरिषद्को बैठकले सिन्धुलीका प्रमुख जिल्ला अधिकारी भरत खनाललाई परराष्ट्र मन्त्रालयमा सरुवा गरेको हो।

गृह मनत्रालयले नयाँ प्रमुख जिल्ला अधिकारी नपठाएकाले सहायक प्रमुख जिल्ला अधिकारी कृष्णमणि फुयाँलले सिन्धुली जिल्लाको कमाण्ड सम्हाल्ने छन्।

त्यसैगरी मन्त्रीपरिषद्ले सिन्धुपाल्चोक र अर्घाखाँचीका प्रमुख जिल्ला अधिकारी सरुवा गरेको हो । सिन्धुपाल्चोकका भूपेन्द्र थापालाई बागमती प्रदेशको मुख्यमन्त्री तथा मन्त्रिपरिषद् कार्यालय र अर्घाखाँचीका सूर्यबहादुर खत्रीलाई श्रम तथा रोजगार मन्त्रालयमा सरुवा गरेको छ ।