यो साता चर्चामा :
सिन्धुलीमा बोलेरो दुर्घटना : तीन जनाको मृत्यु
सांकेतिक तस्विर
सिन्धुली । सिन्धुलीको कमलामाई नगरपालिका २ चियाबारीमा बोलेरो दुर्घटना हुदा तीन जनाको मृत्यु भएको छ ।
आज बिहान ९.२२ को समयमा गोलन्जोर गाउँपालिका ६ हैवार–नाकाजोलीबाट सिन्धुलीमाढीतर्फ आउँदै गरेको बा.२० च ८२८३ नम्बरको बोलेरो चियाबारीमा दुर्घटना हुँदा दई जनाको घटनास्थलमै र एक जनाको उपचारको क्रममा मृत्यु भएको हो ।
मृत्यु हनेमा गोलन्जोर गाउँपालिका ६ नाकाजोली बस्ने ४२ बर्षीय पृथ्वी भुजेल, सोहि ठाउँका ४५ बर्षीय उदय बहादुर मस्राङ्गी मगर र ३५ बर्षीय पवन मस्राङगी रहेका जिल्ला प्रहरी कार्यालय सिन्धुलीका प्रहरी निरीक्षक केशब कुमार कटुवालले जानकारी दिए ।
यस्तै, दुर्घटनामा परि ११ जना घाईते भएका छन् । घाईते ११ जना मध्ये नाकाजोलीका ३२ बर्षीय टिका जंग र्राइ, २२ बर्षीय उदय लुङ्गेली मगर, १७ बर्षीया मेनुका मगर र ३७ बर्षीय हिमाल परियालाई सिन्धुली अस्पतालमा सामान्य उपचार पश्चात थप उपचारका लागी धुलिखेल रिफर गरिएको जनाईएको छ ।
नाकाजोलीमै बस्ने १८ बर्षीया जिना श्रेष्ठ, ४७ बर्षीया धनमाया वाईबा, २४ बर्षीया लिला मगर, २२ की समिना मगर, १९ बर्षीया बन्दना कोईराला, ५६ बर्षीय राजन प्रसाद कोईराला र क.न.पा ५ की ७८ बर्षीया डम्मर कुमारी कार्कीको भने सिन्धुली अस्पतालमै उपचार भईरहेको प्रहरी निरीक्षक कटुवालले जानकारी दिए ।
यो नेपाली भाषाको अनलाइन समाचार संस्था हो । हामी तपाईहरुमा खासगरी सिन्धुली सहित देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । माईशिरमा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए maishirnepal@gmail.com मा पठाउनु होला। हामीलाई पछ्याउनुभएकोमा धन्यवाद।
