यो साता चर्चामा :
पुष्पलाल स्मृति दिवसः कमलामाई मन्दिरमा वृक्षरोपण
माईशिर ७ साउन २०८१ १४:३९
सिन्धुलीमाढी। नेकपा (एमाले) कमलामाई नगर कमिटीले नेकपाका संस्थापक महासचिव पुष्पलाल श्रेष्ठको ४६ औँ स्मृति दिवसमा सोमबार कमलामाई मन्दिर परिसरमा वृक्षरोपण कार्यक्रम गरेको छ ।
कमलामाई नगरपालिका –५ स्थित जिल्लाकै प्रसिद्ध कमलामाई मन्दिर परिसरमा चाँप, पारिजात, सिन्कौली, निम, अमला, बेल, चन्दन, आँप, अम्बा, लिची र विभिन्न फूलसहित २२५ वटा बिरुवा रोपिएको नगर कमिटी सचिव कैलाश ढुङ्गेलले माईशिर डटकमलाई जानकारी दिए ।
उक्त वृक्षरोपण कार्यको शुभारम्भ गर्दै कार्यक्रमका प्रमुख अतिथि नेकपा (एमाले) का केन्द्रीय सदस्य कमलजङ्ग राईले पुष्पलाल वर्ग सङ्घर्षप्रति विश्वास गर्ने व्यक्तित्व भएको चर्चा गरेका थिए ।
कमलामाई नगर कमिटी अध्यक्ष सुन्दर घिसिङको अध्यक्षतामा भएको उक्त वृक्षारोपण कार्यक्रममा पार्टीका प्रदेश कमिटी सदस्यहरू, जिल्ला कमिटी अध्यक्ष तथा पदाधिकारी, सदस्यहरू लगायत नेता तथा कार्यकर्ताको सहभागिता रहेको थियो ।
यो नेपाली भाषाको अनलाइन समाचार संस्था हो । हामी तपाईहरुमा खासगरी सिन्धुली सहित देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । माईशिरमा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए maishirnepal@gmail.com मा पठाउनु होला। हामीलाई पछ्याउनुभएकोमा धन्यवाद।
