सिन्धुली, २०८१ चैत ३१ । सिन्धुली जिल्लाको दुधौली नगरपालिका वडा नं. ५ सिर्थौलीमा आज बिहान करिब ५६ देखि ६० वर्ष उमेरको एक पुरुषको बेवारिसे शव भेटिएको छ।

शवको पहिचान हुन नसकेपछि प्रहरीले अनुसन्धान सुरु गरेको छ। जिल्ला प्रहरी प्रमुख एसपी गोविन्दराज काफ्लेले पुष्टि गर्दै बताए, “शव अहिले दुधौली नगर अस्पतालको मृत्यु शरीर राख्ने कोठामा राखिएको छ। ” तर कसैले पनि दाबी गरेको छैन।

यस सम्बन्धमा थप अनुसन्धान जारी रहेको प्रहरीले जानकारी दिएको छ। शवको पहिचान र मृत्युको कारण छिट्टै पत्ता लगाउन प्रयास गरिरहेको प्रहरीले जनाएको छ।