यो साता चर्चामा :
नयाँ वर्षको पूर्व सन्ध्यामा निजामती कर्मचारी संगठन सिन्धुलीको क्यालेण्डर विमोचन
माईशिर २० चैत २०८१ १३:४९
सिन्धुली । नेपाल निजामती कर्मचारी संगठनले नयाँ वर्ष २०८२ सालको अवसरमा भित्ते पात्रो (क्यालेण्डर) सार्वजनिक गरेको छ । सिन्धुलीमाढीमा बुधवार आयोजित नयाँ वर्ष २०८२ को शुभकामना आदान–प्रदान कार्यक्रममा कर्मचारी संगठनको नयाँ क्यालेण्डर विमोचन गरिएको हो ।
संगठनका अध्यक्ष डिल्ली सौगात घिमिरेको सभापतित्वमा आयोजित उक्त समारोहमा नेपाल निजामती कर्मचारी संगठनकी केन्द्रीय अध्यक्ष भवानी न्यौपाने दाहाल प्रमुख अतिथिको रूपमा सहभागी भइन् ।
कार्यक्रममा नेकपा (एमाले) केन्द्रीय सदस्य तथा सिन्धुली जिल्ला इन्चार्ज मनोज जंग थापा , निजामती कर्मचारी संगठनका निवर्तमान केन्द्रीय अध्यक्ष लेखनाथ कोइराला, एमाले जिल्ला अध्यक्ष महेन्द्रदेव श्रेष्ठ, उपाध्यक्ष कर्ण घिसिङ, नेपाल निजामती कर्मचारी संगठनका बागमती प्रदेश इन्चार्ज पुरुषोत्तम रायमाझी र सह-इन्चार्ज पुरुषोत्तम दाहाल लगायत उपस्थित थिए ।
साथै कार्यक्रममा नेपाल निजामती कर्मचारी संगठनको १२ औँ महाधिवेशन र बागमती प्रदेशको दोस्रो अधिवेशनबाट निर्वाचित केन्द्रीय/ प्रदेश पदाधिकारी, सदस्यहरू र निवर्तमान केन्द्रीय अध्यक्ष लेखनाथ कोइरालालाई समेत सम्मान गरिएको थियो ।
तस्बिरहरूः-
यो नेपाली भाषाको अनलाइन समाचार संस्था हो । हामी तपाईहरुमा खासगरी सिन्धुली सहित देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । माईशिरमा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला। हामीलाई पछ्याउनुभएकोमा धन्यवाद।
