यो साता चर्चामा :
बालमैत्री स्थानीय शासन प्रवर्द्धनको लागि चनौटेमा र्याली
माईशिर १७ चैत २०८१ २०:०६
सिन्धुली। जिल्लाको फिक्कल गाउँपालिका ३ चनौटेमा बालमैत्री स्थानीय शासन प्रवर्द्धन तथा सचेतनाको लागि र्याली गरिएको छ ।
चण्डिका बाल क्लब, फिक्कल–३ चनौटेको आयोजना आइतबार बाल अधिकार संरक्षण, बाल विवाह न्यूनीकरण, र बाल श्रम उन्मूलनलाई लक्षित गरेर सचेतना र्याली गरिएको थियो ।
बाल विवाह, बाल श्रम तथा सरसफाइ सम्बन्धी नारा लेखिएका प्लेकार्डहरू प्रदर्शन गर्नुका साथै स्थानीय पसल तथा घरहरूमा ‘बाल श्रम मुक्त क्षेत्र’ र ‘म र मेरो समुदाय बाल विवाह विरुद्ध प्रतिबद्ध छौँ’ भन्ने स्टिकर टाँसिएको थियो।
वडाध्यक्ष टेक बहादुर रजन मगरले यो बालमैत्री अभियान एक जानाको नभएर सम्पूर्ण वडावासीको अभियान भएको बताए । उनले सबैले साथ दिए मात्र वडा लाई बालमैत्री वडा घोषणा गर्न सफल हुने जिकिर गरे । सबैको साथ सहयोग मिलेमा चैत्र महिना भित्रनै बालमैत्री वाड घोषणा गर्ने बताए ।
फिक्कल गाउँपालिका वडा नम्बर ३ को समन्वयमा रिलिफ नेपाल सिड्स नेपाल र वर्ल्ड भिजन इन्टरनेशनल नेपालको आर्थिक तथा प्राविधिक सहयोगमा उक्त कार्यक्रम गरिएको रिलिफ नेपालका फिल्ड अधिकृत शान्ति बरालले जानकारी दिए ।
यो नेपाली भाषाको अनलाइन समाचार संस्था हो । हामी तपाईहरुमा खासगरी सिन्धुली सहित देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । माईशिरमा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला। हामीलाई पछ्याउनुभएकोमा धन्यवाद।
