सिन्धुलीमाढी, ८ चैत्र । सिन्धुलीको दुधौली नगरपालिका- ६ मा रहेको हर्षाही  स्वास्थ्य चौकीमा नियमित खाने  औषधीको अभाव भएको छ ।

सरकारी स्वास्थ्य संस्थामा  ५८ प्रकारको औषधी निःशुल्क पाउने भए पनि बिरामीहरूले नियमित खाने सुगर प्रेसरको  लगायतका औषधीहरू स्वास्थ्य चौकीमा नपाउँदा नियमित औषधी सेवन  गर्ने बिरामीहरू मर्कामा परेको छन् ।

यस अघि दुधौली नगरपालिकाले खरिद गरेर निःशुल्क वितरण गर्दै आएको थियो । तर यस आर्थिक वर्षमा वितरण गर्दै आएको औषधी खरिद गर्दा बेरुजु हुने भएको हुँदा खरिद गरेको छैन र स्वास्थ्य संस्थालाई पठाएको  छैन त्यही भएर औषधी बिरामी हरूलाई वितरण गर्न समस्या भएको स्वास्थ्य चौकी हर्षाही का इन्चार्ज रुपेश कुमर दनुवार बताउँछन्   ।

प्लान इन्टरनेश्नल नेपालको साझेदारी तथा मानव तथा राष्ट्रिय विकास समाज सिन्धुलीले आयोजना गरेको युवा आबद्धताद्वारा स्थानीय तहको जबाफदेहिता अभिवृद्धि परियोजनाले सञ्चालन गर्दै आएको नागरिक अंकपत्र कार्यान्वयनका क्रममा उक्त समस्या आएको हो ।

यस परियोजनाले स्थानीय युवाहरूकै सक्रियतामा स्थानीय सेवा प्रदायक संस्थाहरू पहिलो चरणमा शिक्षा र स्वास्थ्यमा नागरिक अंकपत्रद्वारा सरोकारवालाहरूको जबाफदेहिता अभिवृद्धिका लागि पैरवी गर्दै आएको छ ।