यो साता चर्चामा :
कुमारी बैंकले कृषकलाई दियो, वित्तीय साक्षरता कक्षा
माईशिर ८ चैत २०८१ २२:१५
सिन्धुली । विश्व पैसा सप्ताह (Global Money Week) २०२५ को अवसरमा कुमारी बैंक लिमिटेड शाखा कार्यालय सिन्धुलीले राजदेवी कृषि तथा पशुपालन दुग्ध उत्पादक सहकारी संस्था लिमिटेड, कमलामाई नगरपालिका ५, राजपानीका कृषकहरू माझ वित्तीय साक्षरता कार्यक्रम सम्पन्न गरेको छ ।
जनस्तरमा वित्तीय शिक्षा र साक्षरता अभिवृद्धि गर्ने अभिप्रायले आयोजना गरिएको उक्त कार्यक्रममा उपस्थित कृषकहरूलाई बैंकका शाखा प्रबन्धक सुबोध कोइरालाले बचत र यसको महत्त्व, बचत गर्ने तरिका, कर्जा र कर्जा लिने प्रक्रिया, कर्जा नतिरेमा आइपर्ने समस्या, डिजिटल कारोबार, यसको महत्त्व, सम्भावित डिजिटल ठगी र यसबाट बच्न अपनाउन सकिने सावधानीका उपाय, पारिवारिक बजेट निर्माण लगायतका विषयमा प्रकाश पारेका थिए ।
कुमारी बैंकको देशभर ३०२ शाखा सञ्जाल, ३१६ एटिएम, ५० एक्सटेन्सन काउन्टर तथा ५४ शाखा रहित इकाईहरू सञ्चालनमा रहेका छन् । बैंकले आगामी दिनमा पनि वित्तीय शिक्षा र साक्षरता अभिवृद्धिका लागि यस्ता कार्यक्रमलाई निरन्तरता दिँदै जाने शाखा प्रबन्धक कोइरालाले बताए ।
यो नेपाली भाषाको अनलाइन समाचार संस्था हो । हामी तपाईहरुमा खासगरी सिन्धुली सहित देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । माईशिरमा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला। हामीलाई पछ्याउनुभएकोमा धन्यवाद।
