१४ माघ २०८१, सिन्धुली । सिन्धुलीको कमलामाई नगरपालिका १४ का सुनौलो हजार दिनका आमा तथा कुपोषित बालबालिकाहरूलाई पोषणयुक्त खानेकुरा वितरण गरिएको छ । कमलामाई नगरपालिकाको आयोजनामा पोषण विशेष कार्यक्रम अन्तर्गत सुनौलो हजार दिनका आमा तथा कुपोषित बालबालिकाहरूलाई पोषण युक्त खानेकुरा वितरण गरेको हो ।

हिजो आइतबार एक कार्यक्रमका बिच उक्त वडाका १६ जना सुनौलो हजार दिनका आमा तथा कुपोषित बालबालिकाहरूलाई पोषण युक्त खानेकुरा वितरण गरिएको पोषण सहजकर्ता सुस्मिता खत्रीले जानकारी दिइन् । उनका अनुसार आमा तथा कुपोषित बालबालिकाहरूलाई पोषण युक्त खानेकुरा अन्तर्गत अण्डा, घिउ, चामल, गेडागुडी लगायतका खानेकुरा वितरण गरिएको छ ।

साथै, उनीहरूको सरसफाइलाई ध्यान दिन आग्रह गदै साबुन र तौलिया समेत वितरण गरिएको छ ।

नगरभित्रका बालबालिका तथा सुनौलो हजार दिनका आमाहरूलाई कुपोषणबाट बचाउनमा लागी पोषण युक्त खानेकुरा वितरण गरिएको कमलामाई नगरपालिकाका नगर प्रमुख उपेन्द्र पोखरेलले बताए ।

साथै, नगरपालिकाले बालबालिकाको स्वास्थ्य तथा सुरक्षित मातृत्वमा विशेष सहयोग गर्दै आगामी दिनमा कुपोषण जस्तो रोग लाग्न नदिन निरन्तर प्रयास गर्ने बताए छ ।