सिन्धुली । ‘भूकम्पले सिकाएको पाठ, बलियो संरचना र सुदृढ पूर्वतयारका साथ’ भन्ने मूल नाराका साथ आज सिन्धुलीमा २७औँ भूकम्प सुरक्षा दिवस मनाइएको छ।  वि.सं १९९० माघ २ गते गएको विनाशकारी भूकम्पबाट पाठ सिकेर सुरक्षित आवास निर्माण र सम्भावित भूकम्पीय जोखिम न्यूनीकरणबारे सामाजिक सचेतना अभिवृद्धि गर्न हेतु हरेक वर्ष भूकम्प सुरक्षा दिवस मनाइँदै आएको छ ।

जिल्ला प्रशासन कार्यालय सिन्धुलीको आयोजना र सहरी विकास तथा भवन कार्यालयको समन्वयमा  बुधवार (आज) बिहान प्रभात फेरी सहित र्‍याली सहित २७ औँ भूकम्प सुरक्षा दिवस मनाइएको छ । सिन्धुलीमाढी २ नं बजार रेडक्रस भवनबाट सुरु भएको र्‍याली गैरीबजार, १ नं बजार, स्टल बजार हुँदै कमलामाई नगरपालिका कार्यालय अगाडी लोकतान्त्रिक चोकमा पुगेर कोणसभामा परिणत भएको थियो । र्‍याली मा सिन्धुली स्थित सरकारी कार्यालयका प्रमुख एवं प्रतिनिधि र सुरक्षा निकायका प्रमुखहरूको सहभागिता रहेको थियो ।मा सिन्धुलीमा बुधवार (आज) बिहान प्रभात फेरी सहित र्‍याली सहित २७ औँ भूकम्प सुरक्षा दिवस मनाइएको छ । सिन्धुलीमाढी २ नं बजार रेडक्रस भवनबाट सुरु भएको र्‍याली गैरीबजार, १ नं बजार, स्टल बजार हुँदै कमलामाई नगरपालिका कार्यालय अगाडी लोकतान्त्रिक चोकमा पुगेर कोणसभामा परिणत भएको थियो । र्‍याली मा सिन्धुली स्थित सरकारी कार्यालयका प्रमुख एवं प्रतिनिधि र सुरक्षा निकायका प्रमुखहरूको सहभागिता रहेको थियो ।

माघ २ गते दिउँसो २:२४ बजे गएको ८.४ म्याग्निच्युडको विनाशकारी भूकम्पको सम्झनामा २०५५ सालदेखि भूकम्प सुरक्षा दिवस मनाउन थालिएको हो । सो भूकम्पले जनधनको ठुलो क्षति पुर्‍याएको थियो ।

भूकम्पले क्षति पुर्‍याएका संरचनाको पुनः निर्माण र भूकम्पको जोखिम न्यूनीकरणका लागि सरकार, सरोकारवाला निकाय र विभिन्न सङ्घसंस्थाले दिवसलाई जागरण फैलाउने लक्ष्यका साथ प्रत्येक वर्ष विभिन्न कार्यक्रम गर्दै आएका छन् ।

विसं १९९० को भूकम्पमा परी आठ हजार पाँच सय १९ जनाको मृत्यु भएको थियो भने असी हजार घर ध्वस्त भएका थिए । नेपाल भूकम्पीय जोखिम भएको देश हो । विसं २०७२ वैशाख १२ गतेको गोरखा भूकम्पमा परी आठ हजार छ सय ७० जनाको निधन भएको थियो । सिन्धुलीमा उक्त भूकम्पमा परी ९ जनाको  निधन भएको थियो भने २२ हजार ३ सय ४२ बढी घरहरू पूर्ण रूपमा क्षति भएका थिए । यस्तै वि.सं २०८० कार्तिक १७ गते शुक्रवार राति गएको जाजरकोट भूकम्पबाट १५३ जनाको मृत्यु भएको छ,भने ठुलो सङ्ख्यामा भौतिक संरचनामा क्षति पुगेको थियो ।

नेपाल अझै पनि ठुलो भूकम्पको जोखिममा रहेको अधिकारीहरूले बताउँदै आएका छन् । त्यसैले विगतका भूकम्पबाट पाठ सिकेर भूकम्पीय जोखिमबाट बच्न सुरक्षित संरचना निर्माणमा पूर्व तयारी र आवश्यक सचेतना अभिवृद्धि गर्न जरुरी रहेको देखिन्छ ।