काठमाडौं । काभ्रेपलाञ्चोक र धादिङका प्रमुख जिल्ला अधिकारीलाई गृह मन्त्रालयमा तानिएको छ ।

विपद् व्यवस्थापनमा असफल भएको भन्दै काभ्रेपलाञ्चोक र धादिङका प्रमुख जिल्ला अधिकारीलाई गृह मन्त्रालयमा तानिएको हो । धादिङमा गृह मन्त्रालयका सहसचिव सुमन घिमिरेलाई र काभ्रेका उमेश ढकाललाई प्रमुख जिल्ला अधिकारीको रुपमा पठाइएको मन्त्रालयका प्रवक्ता ऋषिराम तिवारीले जानकारी दिनुभयो । उहाँका अनुसार यसअघि धादिङमा राजेन्द्रदेव पाण्डे र काभ्रेमा सूर्य प्रसाद सेढाई प्रमुख जिल्ला अधिकारी रहेका थिए ।

मनसुन सक्रिय भएसँगै जोखिमको पूर्वसूचना हुँदाहुँदै सवारी साधन सञ्चालनमा प्रशासनले रोक नलगाउँदा धेरै क्षति भएको गृह मन्त्रालयले निष्कर्ष निकालेको छ । धादिङ–काठमाडौँ सडकखण्ड र काभ्रेपलाञ्चोकतर्फ बीपी लोकमार्ग खण्डमा क्षति पुग्दा यात्रुहरु बीचबाटोमै अलपत्र परेका छन् ।