यो साता चर्चामा :
घ्याङ्लेख सहित कांग्रेसले जितेको उत्कृष्ट २१ गाउँपालिकालाई सम्मान
माईशिर २७ भदौ २०८१ २०:००
सिन्धुली । नेपाली कांग्रेसले उत्कृष्ट कार्य गर्ने २१ वटा स्थानीय तहलाई सम्मान गरेको छ।
बिहीबार सानेपास्थित केन्द्रीय कार्यालयमा पार्टी सभापति शेरबहादुर देउवाले पार्टीबाट निर्वाचित भएका जनप्रतिनिधिले राम्रो कार्य गरेका पालिकाहहरूलाई सम्मान् गरेका हुन् ।
कांग्रेसले स्थानीय तहको निर्वाचनमा सिन्धुलीको घ्याङ्लेख गाउँपालिका अध्यक्षमा दोस्रो कार्यकाल निर्वाचित जगत बहादुर भोलन सहित देश भरका २१ वटा गाउँपालिका र नगरपालिकालाई सम्मान गरेका हुन्।
आर्थिक वर्ष २०७९/८०मा सम्पन्न स्थानीय तह वित्तीय सुशासन जोखिम मूल्याङ्कन (Fiduciary Risk Assessment- FRA) मा नेपाली काँग्रेसले नेतृत्व गरेका घ्याङ्लेख गाउँपालिका ९२ अंक सहित गाउँपालिका तर्फ उत्कृष्ट बनेको छ। दैलेखको महाबुगाउँपालिका ९१.५ अंक सहित दोस्रो र गुल्मीको मदाने गाउँपालिका ९१ अंक प्राप्त गरेर तोस्रो भएको छ।
सिन्धुलीको घ्याङ्लेख गाउँपालिका नेपाली कांग्रेसले जितेका कमलामाई नगरपालिका र तीनपाटन गाउँपालिकालाई पछि पार्दै देशमा नै उत्कृष्ट भएको छ ।
यो नेपाली भाषाको अनलाइन समाचार संस्था हो । हामी तपाईहरुमा खासगरी सिन्धुली सहित देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । माईशिरमा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए maishirnepal@gmail.com मा पठाउनु होला। हामीलाई पछ्याउनुभएकोमा धन्यवाद।
