सिन्धुली । बागमती प्रदेशसभा सदस्य सुष्पा भुजेल ‘आस्था’ ले नेतृत्वमा पुगेका महिला गुनासोका चाङ मात्रै थुपार्ने महिला लिडर बन्न नसक्ने बताएकी छिन् ।

सिन्धुलीमाढीमा आयोजित कार्यक्रमलाई सम्बोधन गर्दै, प्रदेशसभा सदस्य भुजेलले आफू नेतृत्वमा बस्ने, जबाफदेही नबन्ने र प्रश्न मात्र गरिरहने प्रवृत्तिको अन्त्य गर्नुपर्ने बताएकी हुन् ।

सहभागी महिला नेतृहरूलाई नेतृत्वमा पुगेपछि तपाईँ आफैँ कतिको जबाफदेही बन्नुभएको छ ?  भनेर प्रश्न समेत गरिन् । उनले विभिन्न संस्था र निकायको नेतृत्व गरिरहेका महिलाले अब सधैँ सरकारलाई प्रश्न तेर्स्याइरहने हैन, जबाफदेही बन्नुपर्ने बताइन् । ‘परिचय गर्दा म पालिका सदस्य, म वडा सदस्य, म पार्टीको सदस्य भनेर गर्छौँ । तर आफू पदमा बसेर प्रश्न मात्रै सोध्ने मात्रै  होइन त्यसको जवाफ पनि दिन सक्नुपर्छ ।’  उनले भनिन् ।

दलको नेतृत्वले रोस्ट्रममा आएर समस्याहरूको समाधान हुन नसक्ने भएकाले भन्दै रोस्ट्रममा गुनासोका चाङ मात्रै थुपार्ने लिडर बन्न सक्दैन सांसद भुजेले भनिन् ‘लिडरले सधैँ समस्या, गुनासो मात्रै पोख्ने हैन ।  निराश बन्ने हैन । आशावादी बन्नुपर्दछ । ’  जसले पहिलो कुरा आफूमा दृढ विश्वास र संकल्प गर्छ उसले मात्रै प्रगति गर्न सक्ने उनको भनाइरहेको थियो ।