सिन्धुली हुँदै पूर्वी तराई जोड्ने बिपी राजमार्ग यतिखेर आकर्षक गन्तव्य बनेको छ । लागतका आधारमा एसियाकै महँगो यस बाटोको बनावटले समेत एक पटक यात्रा गर्न लालयित बनाउँछ ।

उकालोमा नागबेली सडक । त्यही सडक हुँदै पुगिने महाभारत डाँडा । डाँडामै वीरताको इतिहास बोकेर उभिएको ऐतिहासिक सिन्धुलीगढी । अनि यहाँका मनोरम दृश्य वास्तवमै सुन्दर छन् ।

प्राकृतिक सुन्दरता एवं ऐतिहासिक दृष्टिले महत्त्वपूर्ण यो ठाउँ काठमाडौँबाट करिब १ सय ५० किलोमिटर पूर्वमा रहेको छ । भने सिन्धुलीमाढीबाट करिब १६ किमी उत्तरतर्फ रहेको चारैतिर हरियाली फाँटको बिचमा अवस्थित स्वर्णिम इतिहास बोकेको अग्लो थुम्को नै सिन्धुलीगढी हो ।

सिन्धुली जिल्लामा अवस्थित सिन्धुलीगढी प्राकृतिक सुन्दरता एवं ऐतिहासिक दृष्टिले महत्त्वपूर्ण स्थान हो । सिन्धुलीगढी सिन्धुली जिल्लाको पुरानो सदरमुकाम पनि हो ।

यो नेपालकै ऐतिहासिक महत्त्व बोकेको क्षेत्र हो । सिन्धुलीगढीको क्षेत्रफल ३००० वर्ग मिटर फैलिएको छ । यो ४ हजार ६ सय ४८ फिट उचाइमा रहेको यो क्षेत्र प्राकृतिक रूपमा पनि सुन्दर छ ।

हेरौँ सिन्धुलीगढीका आकर्षक अनि मनमोहक दृश्यहरू –