यो साता चर्चामा :
माओवादी केन्द्र सिन्धुलीका नेता रजनमगर एमालेमा प्रवेश
माईशिर ५ भदौ २०८१ १९:०९
सिन्धुलीमाढी । नेकपा माओवादी केन्द्र सिन्धुलीका नेता नरबहादुर रजनमगर एमालेमा प्रवेश गरेका छन् ।
माओवादी केन्द्र सिन्धुलीका जिल्ला कमिटी सदस्य नरबहादुर रजनमगर आज एमाले स्थायी कमिटी सदस्य तथा बागमती प्रदेश इन्चार्ज डा.राजन भट्टराईको हातबाट टिका ग्रहण गर्दै एमालेमा प्रवेश गरेका हुन् ।
माओवादी केन्द्र सिन्धुली जिल्ला कमिटी सदस्य तथा सहिद दलबहादुर रजनमगरको छोरा समेत रहेका उनी तत्कालीन जिल्ला पार्टी जिल्ला इन्चार्ज राजन दाहालको कार्यशैलीको विरोध गर्दै आएका थिए ।
त्यसै गरी राप्रपा नेपालबाट तीनकन्याका फडिन्द्र बहादुर ठकुरी पनि एमाले प्रवेश गरेका छन् ।
प्रवेश गराउँदै डा.राजन भट्टराईले पुरानै घर फर्केकोमा रजन र ठकुरीलाई धन्यावाद दिँदै एमालेको विकल्प नरहेको बताए । नेकपा एमाले जनताको पार्टी हो, राजनीति स्वार्थ रहित हुनुपर्ने बताउँदै सबै जुझारु, विकास प्रेमी र शान्ति चाहने हरूलाई एमालेमा गोलबन्द हुनसमेत आग्रह गरेका थिए ।
यो नेपाली भाषाको अनलाइन समाचार संस्था हो । हामी तपाईहरुमा खासगरी सिन्धुली सहित देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । माईशिरमा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए maishirnepal@gmail.com मा पठाउनु होला। हामीलाई पछ्याउनुभएकोमा धन्यवाद।
