सिन्धुली ।सिन्धुलीमा ठुलो परिणामको गाँजा सहित एक जना पक्राउ परेका छन् । पक्राउ पर्नेमा कटारी नगरपालिका वडा नं. ६ उदयपुर घर भई हरिहरपुरगढी गाउँपालिका ७ चिसापानी बस्ने कुमार पाख्रिन रहेका छन् ।

हरिहरपुरगढी गाँउपालिका वडा नं. ७ चिसापानी स्थित थोले व्लोनको गोठमा लागुऔषध गाँजा लुकाईछिपाई राखिएको छ भन्ने सुचनाको आधारमा खोजतलास गर्दा बोरा तथा फलामको ड्रममा राखिएको अवस्थामा ६ क्विन्टल १५ के.जी गाँजा फेला परेको थियो ।

लागु औंषध गाँजा सहित पक्राउ परेका पाख्रिनमाथि थप अनुसन्धान भईरहेको प्रहरी कार्यालयले सिन्धुलीले जनाएको छ ।