यो साता चर्चामा :
चुरे संरक्षण दिवसमा मावि डकाहाको प्राङ्गणमा वृक्षारोपण
माईशिर २ असार २०८१ २३:१९
दशौँ चुरे संरक्षण दिवसको अवसरमा चुरे उत्थानशील आयोजना प्रदेश आयोजना व्यवस्थापन इकाई सिन्धुलीले सरस्वती मावि डकाहामा वृक्षारोपण गरेको छ ।
दुधौली ४ डकाहामा रहेको उक्त विद्यालयको प्राङ्गणमा भएको एक कार्यक्रममा विद्यार्थीहरूलाई चुरै संरक्षणको विषयमा जानकारी गराउँदै विद्यालयको प्राङ्गणमा वृक्षारोपण गरेको आयोजना व्यवस्थापन इकाई सिन्धुलीले जनाएको छ ।
वृक्षारोपणमा धुपी , गुल्मवर र अशोक गरी ५० वटा बिरुवा रोपिएको थियो ।
विद्यार्थीहरूलाई वन जगंल,वनस्पति बोटबिरुवा र चुरे संरक्षणको बारेमा जानकारी दिएको थियो ।
विद्यार्थीहरू जिज्ञासु हुने र उनीहरूले आफ्ना अभिभावकलाई सहज सचेत गराउने भएकाले चुरे संरक्षणका बारेमा जानकारी दिएको चुरे उत्थानशील आयोजना प्रदेश आयोजना व्यवस्थापन इकाई सिन्धुलीका प्रमुख राम बालक यादवले बताए ।
वन जगंल र चुरे विषयमा कक्षामा पढाई हुने भए पनि यसरी सम्बन्धित कार्यालय नै आएर विद्यार्थीहरूलाई सहजीकरण गराउँदा विद्यार्थीहरूले थप नयाँ कुराको सिकाई भएको विद्यालयका प्रधानाध्यापक लिल बहादुर श्रेष्ठले बताए ।
यो नेपाली भाषाको अनलाइन समाचार संस्था हो । हामी तपाईहरुमा खासगरी सिन्धुली सहित देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । माईशिरमा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए maishirnepal@gmail.com मा पठाउनु होला। हामीलाई पछ्याउनुभएकोमा धन्यवाद।
प्रतिक्रिया
