सिन्धुली । जिल्लाको कमलामाई नगरपालिका र मरिण गाउँपालिकामा सञ्चालन भएको दुई दिनको निःशुल्क पशु स्वास्थ्य शिविर सकिएको छ।

रोट्रयाक्ट  क्लब अफ सिन्धुलीगढी र नेपाल भेटेरिनरी विद्यार्थी संघ  (हिकाष्ट) को सहकार्य  कमलामाई नगरपालिका मरिण गाउँपालिका र शिद्धबाबा दाना चल्ला सप्लायर्स मरिण छापको सहयोगमा भएको शिविरमा १ सय ७७  जनाले सेवा लिएका थिए।

मरिण गाउँपालिकाको ६ मा आइतबार भएको शिविरमा ८५ जना र  कमलामाई नगरपालिका १० मा सोमबार भएको शिविरमा ९२ जनाले सेवा लिएको रोट्रयाक्ट क्लब अफ सिन्धुलीगढीका अध्यक्ष मिलन कुमार भण्डारीले माईशिर डटकम सँग बताए।

पशु स्वास्थ्य शिविरमा  कृत्रिम गर्भधारण , पशु चेक जाँच , निःशुल्क औषधि र पौष्टिक आहारा वितरण गरिएको नेपाल भेटेरिनरी विद्यार्थी संघ  (हिकाष्ट) अध्यक्ष डा. अविनाश ठाकुरले   जानकारी दिए।