सिन्धुली। डलरको प्रलोभन देखाएर नेपाली पैसा ठगी गरेको आरोपमा प्रहरीले तीन युवालाई पक्राउ गरेको छ।

प्रहरीले सिन्धुपाल्चोकको बाह्रबिसे नगरपालिका ३ का २४ वर्षीय श्याम तामाङ, सोही स्थानका २६ वर्षका  तेन्जिङ पाई र  २७ बर्षका नारायण बहादुर पाइनलाई पक्राउ गरेको  छ।

उनीहरूले इलाम नगरपालिका १ का राजु गौतमलाई गोलन्जोर गाउँपालिका ७ लौकुनमा भेटेर डलर साट्ने भनी रुमालमा पोका पारी २० रुपैयाँका नेपाली नोट र सादा कागजका टुक्राहरू दिएर गौतमको साथमा रहेको १८ लाख नेपाली रकम लिएर भागेका जिल्ला प्रहरी कार्यालयका एसपी गोविन्दराज काफ्लेले जानकारी दिए। उनीहरूलाई गोलन्जोर गाउँपालिका ६ हैवारबेंसी नजिकैबाट भाग्दै गर्दा  पक्राउ गरेको हो।

प्रहरीले उनीहरूको साथबाट १८ लाख नेपाली रुपैयाँ २३७ थान अमेरिकी डलर दुई थान मोटरसाइकल र विभिन्न कम्पनीको ५ थान मोबाइल बरामद गरेको पत्रकार सम्मेलन गरेर जनाकारी दिएको छ ।